Fota: Libkos, File / AP Photo
Adznačajecca, što Uzbrojenyja siły Ukrainy praciahvajuć utrymlivać zachodniuju častku Bachmuta i razburyli klučavyja masty praz Bachmutku, «jakaja praciakaje z poŭnačy na poŭdzień praz pałasu adkrytaj miascovaści šyrynioj 200—800 mietraŭ pamiž zabudavanymi rajonami».
«Tak jak ukrainskija padraździaleńni mohuć vieści ahoń z umacavanych budynkaŭ na zachadzie, hetaja terytoryja pieratvaryłasia ŭ «zonu śmierci», što, vierahodna, zrobić jaje vielmi składanaj dla sił «Vahniera», jakija buduć sprabavać praciahnuć svoj frantalny nastup na zachad», — adznačajecca ŭ ahladzie.
Brytanskaja raźviedka adznačaje, što ŭkrainskija siły i ich linii zabieśpiačeńnia na zachad ad Bachmuta zastajucca ŭraźlivymi da pastajannych sprob sił RF abyści abaroncaŭ z poŭnačy i poŭdnia.
Bachmut na praciahu apošnich miesiacaŭ zastajecca arenaj žorstkich bajoŭ va Ukrainie. Ukrainskaje kamandavańnie pryniało rašeńnie nie vychodzić z horada, i tłumačyć heta tym, što abarona dazvolić źniasilić najbolš bajazdolnyja rasijskija siły.
U toj ža čas, jak raniej adznačała raźviedvalnaja supolnaść brytanskaha Minabarony, ukrainskaja abarona Bachmuta praciahvaje źniasilvać i ŭkrainskich abaroncaŭ, i rasijskich zachopnikaŭ.
Raniej hienieralny sakratar NATA Jens Stołtenbierh zajaviŭ, što ŭkrainskaja abarona Bachmuta moža paciarpieć paražeńnie ŭ najbližejšyja dni, adnak heta nie abaviazkova stanie pierałomnym momantam u vajnie.
Čytajcie taksama:
Syrski patłumačyŭ, čamu Ukraina nie zdaje Bachmut
Syrski: My robim usio, kab praciŭnik u Bachmucie apynuŭsia ŭ cuhcvanhu
«Nieprystupnaja krepaść». Hienierał USU patłumačyŭ, čamu rasijanie nie mohuć zachapić Bachmut
