Skrynšot videa ź jutub-kanała Nacyjanalnaha biełaruskaha radyjo
«Za biełaruski kantent na hetym fiestyvali ŭ nas buduć adkazvać dva prajekty. Pieršy — šou hurta «Aŭra», pryśviečanaje Hodu miru i stvareńnia, — pryvodzić słovy dyrektara fiestyvalu Hleba Łapickaha BiełTA. — U druhim adździaleńni našaha XXXII Mižnarodnaha konkursu maładych vykanaŭcaŭ budzie vystupać Iryna Darafiejeva. Mnie zdajecca, vielmi simvalična, tamu što heta toj čałaviek, jaki ŭ 1999-m hodzie pačaŭ svoj šlach sa sceny Letniaha amfiteatra. Buduć i vialikija hała-kancerty: «Šanson-TB», «Załaty chit», cyrymonii adkryćcia i zakryćcia».
Asnoŭnym prajektam «dzion Sajuznaj dziaržavy» stanie hałoŭnaje šou na scenie Letniaha amfiteatra ŭ piatnicu, 14 lipienia. Jaho pryśvieciać 85-hodździu narodnaha artysta Savieckaha Sajuza Ihara Łučanka. Muzyčnaje supravadžeńnie zabiaśpiečyć Nacyjanalny akademičny kancertny arkiestr imia M. Ja. Finbierha.
Užo viadoma pra niekalki solnych šou na scenie kancertnaj zały — Uładzimira Praśniakova, Dźmitryja Malikava, Stasa Pjechi.
Što tyčycca open air-placoŭki pobač z kancertnaj załaj «Viciebsk», tut užo viadomyja dva prajekty: solnik Siarhieja Łazarava i «Rok-panarama».
