Pieršymi ab rašeńni pra admienu śviata paviedamili ŭłady Kabanskaha rajona.
Aficyjnaje rasparadžeńnie Administracyi Kabanskaha rajona Buracii ab admienie praviadzieńnia Maślenicy. Fota: «UKantakcie»
Zatym padobnyja rašeńni pryniali ŭ Zaihrajeŭskim, Tarbahatajskim, Ivałhinskim rajonach.
Paviedamleńni ab admienie śviatkavańnia Maślenicy. Skrynšoty staronki «Miemoriał pamiati vojennym iz Buriatii» «UKantakcie»
U adpaviednaści ź infarmacyjaj z sacyjalnych sietak, kolkaść niadaŭna zahinułych moža składać 70 čałaviek.
Ab tym, što ličby zahinułych mohuć być značnymi, uskosna śviedčyć fakt prysvajeńnia 24 lutaha 2023 hoda asobnym ukazam prezidenta Rasii 35-j zienitnaj rakietnaj bryhadzie, jakaja ŭvachodzić u skład 36-j ahulnavajskovaj armii i dysłakujecca ŭ Buracii, najmieńnia «hvardziejskaja» «za masavy hieraizm i advahu, stojkaść i mužnaść, prajaŭlenyja asabovym składam bryhady ŭ bajavych dziejańniach pa abaronie Ajčyny i dziaržaŭnych intaresaŭ va ŭmovach uzbrojenych kanfliktaŭ».
Abmierkavańnie naviny ab admienie Maślenicy «UKantakcie» daje ŭjaŭleńnie ab nastrojach nasielnictva. Pobač z takimi vykazvańniam, jak «Viečnaja słava hierojam!», jość i mierkavańni kštałtu «Jakim hierojam? Pryjšli ŭ čužuju krainu zabivać ludziej», «Uvohule tady pa ŭsioj Rasii nieabchodna žałobu abviaścić da samaha zakančeńnia SVA, kali tak pajšło».
Kamientary da naviny ab admienie Maślenicy. Skrynšot staronki «UKantakcie» «Anonim Kabanskoho rajona»
U kamientarach pad navinoju ab admienie śviatkavańniaŭ u telehram-kanale «Riežim B» pytajucca ab tym, chto paniasie adkaznaść za takija straty, a taksama zaŭvažajuć: «Hłavu [rajona] samoha čaplaje takaja situacyja, kali jaho ziemlakoŭ raptam viazuć zahinułymi dziasiatkami».
Kamientar u telehram-kanale «Riežim B». Skrynšot telehram-kanała
Pavodle apošnich acenak amierykanskaj i brytanskaj raźviedak, rasijskija straty, z ulikam PVK «Vahnier», a taksama farmiravańniaŭ maryjanietkavych «DNR» i «ŁNR», na hety momant dasiahnuli 175—200 tysiač čałaviek, ź ich 40—60 tysiač zahinuli.
chm... zazirnuła ŭ burcki słoŭnik - a ŭ ich movie pa chodu niama słova hieroj. dakładniej - jość, ale jano z rasiejskaj. tak - Hieroj Socialističieskoho Truda -- Socialističieske Ažałaj Hieroj