Novyja sankcyi ŭzmacniajuć ekspartnyja abmiežavańni ŭ dačynieńni da tavaraŭ padvojnaha vykarystańnia i technałohij. Taksama pakiet uklučaje metavyja abmiežavalnyja miery suprać fizičnych i jurydyčnych asob, jakija padtrymlivajuć vajnu, raspaŭsiudžvajuć prapahandu abo dastaŭlajuć bieśpiłotniki, jakija vykarystoŭvaje Rasija ŭ vajnie.
Akramia taho, sankcyi praduhledžvajuć peŭnyja miery suprać raspaŭsiudžvańnia rasijskaj dezynfarmacyi.
«Razam krainy-čalcy ES uviali samyja mocnyja i maštabnyja sankcyi za ŭsiu historyju, kab dapamahčy Ukrainie vyjhrać vajnu. ES adziny z Ukrainaj i ŭkrainskim narodam. My budziem padtrymlivać Ukrainu stolki, kolki spatrebicca», — havorycca ŭ paviedamleńni.
Sankcyi buduć zaćvierdžanyja piśmovaj praceduraj u pieršaj pałovie dnia 25 lutaha.
Jeŭrapiejski dypłamat raskazaŭ ahienctvu «Interfaks-Ukraina», što Polšča, jakaja vystupaje za ŭzmacnieńnie surovaści sankcyjnaha režymu dla Rasii, pahadziłasia ŭchvalić pakiet pa «šaści harantavanych umovach»:
- uklučeńnie ŭ śpis sankcyj ludziej, adkaznych za departacyju ŭkrainskich dziaciej u Rasiju;
- uzmacnieńnie pracy nad sankcyjami suprać režymu Łukašenki;
- dalejšaja praca nad sankcyjami suprać atamnaj haliny Rasii;
- prymianieńnie sankcyj u dačynieńni da rasijskich ałmazaŭ;
- śpiecyjalny miechanizm, jaki kantraluje ŭzrovień dyviersifikacyi impartu sintetyčnaha kaŭčuku ŭ ES;
- pačatak pracy pa pryciahnieńni da adkaznaści 150 rasijskich prapahandystaŭ, śpis jakich prapanavała Polšča.
Čytajcie taksama:
ZŠA da hadaviny ŭvarvańnia va Ukrainu ŭviali novyja sankcyi suprać rasijskich hramadzian i kampanij
Prezident Litvy: Litoŭskija kampanii, u dvarach jakich łunajuć ukrainskija ściahi, mohuć adnačasova dapamahać Łukašenku
Joźviak: Za vyvad biełaruskaha kaliju z-pad sankcyj vystupajuć Partuhalija, Bielhija, Niderłandy i Francyja
