Pra heta paviedamlaje «Mieduza» sa spasyłkaj na ASS-miedyja.
Kali Koŭtun znachodziŭsia ŭ papraŭčaj kałonii, jaho zavierbavali ŭ PVK «Vahnier». Pra inšyja padrabiaznaści nieviadoma. Va ŭpraŭleńni FSVP pa Prymorskim krai paviedamili, što ŭ viedamstva niama takich danych. Kiraŭnik krajovaj hramadskaj naziralnaj kamisii Uładzimir Najdzin u svaju čarhu skazaŭ, što ničoha nie čuŭ pra hibiel Koŭtuna. U PVK «Vahnier» na momant publikacyi situacyju nie kamientavali.
Alaksandr Koŭtun ličycca adnym ź lidaraŭ złačynnaj hrupoŭki «prymorskich partyzan», jakaja ŭ lutym — červieni 2010 hoda napadała na supracoŭnikaŭ milicyi ŭ Prymorskim krai. Koŭtuna i inšych «prymorskich partyzan» abvinavačvali ŭ zabojstvie dvuch milicyjantaŭ i čatyroch vytvorcaŭ narkotykaŭ, a taksama ŭ ranieńni jašče šaści milicyjantaŭ, kradziažy niekalkich aŭtamabilaŭ i inšych kradziažach.
Udzielnikaŭ bandy zatrymali ŭ červieni 2010 hoda. U 2014 hodzie Alaksandra Koŭtuna asudzili da pažyćciovaha pazbaŭleńnia voli, ale ŭ dalejšym pakarańnie zamianili na 25 hadoŭ kałonii. Niezadoŭha da taho, jak bandu «prymorskich partyzan» razhramili letam 2010 hoda, udzielniki hrupoŭki zapisali videazvarot, u jakim patłumačyli svaje matyvy. Koŭtun i inšyja ŭdzielniki bandy skazali na zapisie, što abviaścili vajnu milicyjantam pa idejnych mierkavańniach, tak jak ličać, što MUS strachuje narkabiznes, prastytucyju, niezakonnyja lesanarychtoŭki, a taksama falsifikuje kryminalnyja spravy. Na adnym z sudovych pasiadžeńniaŭ Alaksandr Koŭtun skazaŭ, što ŭdzielniki hrupoŭki nie ličać siabie «partyzanami», jak ich prazvali ŭ ŚMI. «Partyzanami nas nazvali. U nas kryminalnaha składnika nie było, u nas byli idejnyja mierkavańni», — kazaŭ tady Koŭtun.
