Uładzisłaŭ Surkoŭ z kiraŭnikom Čačni Ramzanam Kadyravym. Surkoŭ i sam napałovu čačeniec, jaho baćka nasiŭ proźvišča Dudajeŭ, a ciapier jon nosić proźvišča maci
Pytańnie pra Minskija pahadnieńni zadaŭ Surkovu palitołah Alaksiej Časnakoŭ, jaki raniej niaredka publikavaŭ mierkavańni Surkova pa tych ci inšych pytańniach. Surkoŭ na pytańnie adkazaŭ koratka: «Nie».
U toj ža čas na try inšyja pytańni Časnakova Surkoŭ adkazaŭ «tak». Stanoŭčyja adkazy jon daŭ na pytańnie ab tym, ci zadavoleny jon, jak źmianilisia miežy Rasii (majecca na ŭvazie nie pryznanaja mižnarodnaj supolnaściu anieksija čatyroch abłaściej Ukrainy navat biez farmalnaha kantrolu nad usioj ich terytoryjaj), ci ličyć jon efiektyŭnymi dziejańni rasijskaj armii i ci narmalizujucca ŭ ahladnaj budučyni adnosiny Rasii i Zachadu.
Surkoŭ kaliści byŭ namieśnikam kiraŭnika Administracyi prezidenta Rasii pa ŭnutranaj palitycy, a pamočnikam Pucina źjaŭlaŭsia ŭ 2013-2020 hadach. Paśla sychodu ŭ adstaŭku jon byŭ u cieni, ale za niekalki dzion da rasijskaha ŭvarvańnia va Ukrainu ŭ lutym 2022 hoda apublikavaŭ artykuł, u jakim užo ŭ najbližejšaj budučyni pradkazaŭ mahčymaść «kantaktnaj hieapalityki», pad jakoj mielisia na ŭvazie ŭzbrojenyja kanflikty i źmianieńnie miežaŭ dziaržaŭ siłaj. Raspačatuju vajnu jon da apošniaha momantu publična nie kamientavaŭ, źjaŭlalisia navat čutki pra mahčymy jaho aryšt.
Čytajcie taksama:
Źjaviłasia infarmacyja pra mahčymy aryšt adnaho z kramloŭskich ideołahaŭ Uładzisłava Surkova
Pradčuvańnie vajny i pieradziełu. Nie tolki z boku Rasii? — mierkavańnie
Surkoŭ: Sučasnaja Rasija za mir, adnak jana nie moža znachodzicca ŭ miežach, ustanoŭlenych ŭ 1918 hodzie
