«Incydent adbyŭsia ranicaj 13 lutaha. U dačnym domie ŭ padmaskoŭnaj vioscy Holikava znojdziena cieła 72-hadovaha byłoha namieśnika načalnika Hałoŭnaha ŭpraŭleńnia pa baraćbie z ekstremizmam MUS hienierał-majora Uładzimira Makarava. Papiarednie ŭstanoŭlena, što jon učyniŭ samahubstva», — paviedamili ahienctvu ŭ palicyi.
Cieła Uładzimira Makarava vyjaviła, jak paviedamlajecca, jahonaja žonka kala siomaj hadziny ranicy. Siamja hienierał-majora vyklikała lekaraŭ, adnak vyratavać jaho nie ŭdałosia.
27 studzienia Uładzimir Pucin svaim ukazam źniaŭ Uładzimira Makarava z pasady namieśnika kiraŭnika Hałoŭnaha ŭpraŭleńnia pa baraćbie z ekstremizmam MUS.
Centr «E» u Rasii siarod inšaha zajmajecca adsočvańniem pratesnych nastrojaŭ u sacsietkach, pieraśledam aktyvistaŭ i apazicyi.
