Ryšy Sunak, premjer-ministr Brytanii, i Uładzimir Zialenski. Fota: Ofis prezidenta Ukrainy
Jak piša vydańnie, kiraŭniki brytanskich abaronna-pramysłovych pradpryjemstvaŭ jeździli ŭ Kijeŭ, kab abmierkavać mahčymaść stvareńnia sumiesnych pradpryjemstvaŭ na miescy.
Inšyja jeŭrapiejskija abaronna-pramysłovyja pradpryjemstvy taksama viaduć anałahičnyja pieramovy z ukrainskim bokam.
Raniej Ukraina ŭžo vyrablała pa licenzii niekatoruju izrailskuju i amierykanskuju zbroju, u tym liku vintoŭki, a taksama adaptavała niekatoryja svaje tanki dla ŭstaloŭki izrailskaj elektroniki.
Frensis Tusa, niezaležny ekśpiert pa abaronie, zaŭvažaje, što ździełki pa vytvorčaści zachodniaj bronietechniki, chutčej za ŭsio, buduć uspryniatyja Maskvoj jak antahanistyčnyja, ale sajuźniki pa NATA naŭrad ci buduć zapałochanyja hetymi pahrozami ŭ śviatle ŭsio bolš składanych pastavak uzbrajeńniaŭ.
Rasija nieadnarazova pahražała zachodnim krainam mierami ŭ adkaz za pastaŭku zbroi Ukrainie, i lubaja padtrymka vytvorčaści zbroi na terytoryi krainy, vierahodna, pryviadzie da abvastreńnia napružanaści.
Jak adznačaje The Telegraph, luboje takoje sumiesnaje pradpryjemstva, vierahodna, zapatrabuje adabreńnia brytanskaha premjer-ministra Ryšy Sunaka.
