«Adnojčy adzin z našych chimikaŭ vyrašyŭ razboŭtać rastvor u kołbie, a pakolki šklanoj pałački pobač nie akazałasia, uziaŭ hrafitavuju. I pałačka pamieram z ałovak u rastvory ŭ imhnieńnie voka vyrasła ŭ hrafienavy «jorš» vieličynioj z kołbu!
Tak byŭ adkryty novy, chutki i tanny sposab atrymańnia hrafiena-dvuchmiernaha materyjału, jaki da hetaha času doŭha i ciažka vyrablali», — kaža Fiedasiuk.
Pavodle jaho słoŭ, pieršyja pratatypy batarej užo supastaŭnyja ź lityjevymi, a paśla dapracoŭki stanuć u 2,5—3 razu bolš jomistymi i mahutnymi.
Elektrasamakat z takoj batarejaj byŭ niadaŭna pradstaŭleny na vystavie «Biełaruś intelektualnaja». Ciapier źbirajucca zapuskać ich drobnasieryjnuju vytvorčaść. Dyrektar navukovaj ustanovy raskazaŭ pra ambicyjnyja płany:
«Drobnaja sieryja patrabujecca dla adpracoŭki technałohij i vyvučeńnia mahčymaściaŭ novych batarej. Pačniom ź nievialikich partyj — da klučoŭ dla aŭtamabilaŭ. Praciahniem liniejku dla samakataŭ. Potym prystupim da stvareńnia bolš mahutnych — dla matacykłaŭ. Nadydzie čarha elektramabilaŭ, elektrobusaŭ, hruzavikoŭ roznaj mahutnaści i hruzapadymalnaści…»
