Tak, žančynu ź Minska vyklikali ŭ KDB i prymusili zapłacić 400 dalaraŭ: jaje danat u 2020 hodzie składaŭ 40 dalaraŭ. Kali paśla apłaty jana niesła hebešnikam kvitancyju, bačyła inšych ludziej, jakija nieśli takija ž.
Paśla hetaha jaje zvolnili ź nizkaapłatnaj pracy na dziaržaŭnym pradpryjemstvie.
Inšaha čałavieka prymusili zapłacić 500 jeŭra za niekalki danataŭ roznaha pamieru.
Pa słovach abaich, u KDB nie było padrabiaznaściaŭ, kudy pajšoŭ płaciež. Prosta luby pieravod za miažu praz fejsbuk u 2020—2021 hadach jany traktujuć jak pieravod u fondy.
Prezumpcyja nievinavataści ŭ sučasnaj pravavoj sistemie ŭ Biełarusi nie dziejničaje. Zakony pa palityčnych spravach, nasupierak zakonu, majuć zvarotnuju siłu.
Adzin z apytanych «Našaj Nivaj» ludziej, jakich vyklikali ŭ KDB, pakinuŭ krainu, i ŭžo šukaje sabie novuju pracu ŭ adnoj z krain Jeŭrasajuza. «Vyklik u KDB staŭ dla mianie miažoj. Ja nie dumaju viartacca. Chaj jany kormiać siabie sami», — skazaŭ jon.
Praciah tekstu — pad banieram
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Z ulikam taho, što ŭsiaho na BySol i BY_help achviaravali bolš za 60 tysiač čałaviek, łukašenkaŭcy chočuć sabrać u vyhladzie štrafaŭ dziasiatki miljonaŭ dalaraŭ. I heta nie harantuje, što ŭ budučyni na tych ža ludziej nie zaviaduć jašče i kryminalnuju spravu — jany ž pryznajuć, što achviaravali hrošy ŭ fondy.
Što budzie z tymi, chto admovicca płacić pa multyplikatary, nieviadoma.
Łukašenkaŭcam viadomyja tyja pieravody, jakija rabilisia ź biełaruskich kartak. Fondy BySol i BY_help dapamahli dziasiatkam tysiač achviar palityčnych represij i ich siemjam — aryštavanym i zvolnienym z pracy. Efiektyŭnaść i advaha, ź jakoj dziejničali fondy, zrabili ich adnoj z hałoŭnych celaŭ dla łukašenkaŭskich śpiecsłužbaŭ.
«My nastojliva rekamiendujem źjechać z krainy tym, kaho vyklikajuć na «razmovu». Nichto nie viedaje, čym jana skončycca kankretna dla vas», — napisaŭ kiraŭnik BySol Andrej Stryžak u svaim telehram-kanale.
«Ci praciahvaje BY_help pracavać? — Tak, praciahvaje. I nikoli nie spyniaŭsia, — piša sa svajoj fejsbuk-staronki fundacyja BY_help. — Čym my dapamahajem? — My vyciahvajem ź finansavaj jamy tych, kaho našaja «hasudarśćva» sprabuje litaralna pazbavić usiaho. Štrafy, pazovy, dapamoha palityčnym, advakaty».
Na 2020 hod BySol i BY_help dziejničali na zakonnaj asnovie. Nadańnie novaprymanym zakonam «zvarotnaj siły» stała ŭ Biełarusi sistemnaj źjavaj.
Viedajecie važnaje, viedajecie cikavaje, što varta viedać usim? Pišycie redaktaru «Našaj Nivy» ŭ TH @nn_editor, na [email protected] ci [email protected]. Kali pišacie ŭ TH, vydalajcie čat paśla suviazi. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
Čytajcie taksama:
Ja achviaravaŭ u fondy. Jak zrazumieć, što ja ŭ niebiaśpiecy?
Stryžak: Akramia ajcišnikaŭ, siłaviki prajaŭlajuć cikaŭnaść taksama da pradstaŭnikoŭ bankaŭskaj śfiery
Stała viadoma, jak KDB vyličvaje tych, chto danaciŭ u «Bajsoł»
Padrabiaznaści rekietu ajcišnikaŭ: stała viadomaja minimalnaja suma «kampiensacyi» za danat u BySol i BY_help
Andrej Stryžak: Meta pieraśledu za danaty — źniščeńnie biełaruskaj salidarnaści
