Fota: diagram.com
Kampanija Diagram 9 lutaha prezientavała novy štučny intelekt Genius, jaki budzie dapamahać karystalnikam prahramy Figma stvarać dyzajnierski kantent.
Pryncyp pracy niejrasietki taki: Genius, krychu panaziraŭšy za vašaj pracaj, zrazumieje žadany vynik i budzie malavać z vami sinchronna, prapanoŭvajučy dapoŭnić vaš dyzajn na asnovie papiaredniaha vopytu.
Jak byccam adnym i tym ža hrafičnym prajektam adnačasova i razam zajmajucca dva čałavieki, pry hetym adzin ź ich — štučny intelekt.
«Naš nastupny pradukt Genius spałučaje ŭ sabie najnoŭšyja madeli štučnaha intelektu i inžyniernyja raspracoŭki, kab u roli razumnaha pamočnika ŭ takich instrumientach, jak Figma, zabiaśpiečyć paśpiachovaje aŭtazaviaršeńnie pracy. My vielmi rady našamu prahresu», — raskazvajuć supracoŭniki kampanii Diagram.
Sama kampanija nievialikaja, ale jana śpiecyjalizujecca jakraz na stvareńni padobnych razumnych dyzajnierskich instrumientaŭ, jak Genius.
Dla testavańnia pamočnika treba budzie zapisacca ŭ list čakańnia, bo novaja niejrasietka pakul jašče nie vyjšła ŭ adkryty dostup, što, pa infarmacyi Diagram, adbudziecca nieŭzabavie.
Čytajcie jašče:
Microsoft pakazaŭ novy pošukavik. Choča źmianić naša ŭjaŭleńnie pra internet
Google stvaryŭ niejrasietku MusicLM, jakaja moža hienieravać muzyku pa apisańni karystalnika
Što takoje ChatGPT i čamu da jaho staviacca nieadnaznačna?
