«Partyja zienitnych harmat L70 i bojeprypasaŭ, jakija Litva pieradaje Ukrainie dla dapamohi ŭ abaronie krytyčnaj infrastruktury, užo prybyła va Ukrainu», — napisaŭ Anušaŭskas.
Pieradaču Ukrainie dziasiatkaŭ L70 anansavali ŭ apošnim bujnym pakiecie dapamohi ad Litvy. Padčas vizitu va Ukrainu ministr abarony Arvidas Anušaŭskas udakładniŭ,
što ich pieradajuć u kolkaści 36 adzinak, i hetaja zbroja pavinna być asabliva efiektyŭnaj dla baraćby ź iranskimi dronami «Šachied».
Taksama stała viadoma, što harmaty pavinny pracavać «u kamandzie» z radarami, na nabyćcio jakich źbirajuć srodki ŭ ramkach litoŭskaj hramadskaj inicyjatyvy RADAROM. Za dva tydni litoŭcy i dabračyncy ź inšych krain pieraviali na rachunki kampanii amal 7 młn jeŭra.
29
0
0
0
0
0
