Hałoŭny pryz XVI minskaha mižnarodnaha kinafiestyvalu «Listapad» — «Zołata Listapada» — buduć asprečvać 18 mastackich filmaŭ z 23 krain. Takaja kolkaść poŭnamietražnych karcin uvajšła ŭ konkursnuju prahramu ihravoha kino.
Jašče 26 filmaŭ pradstaŭleny ŭ naminacyi «nieihravoha kino» i 8 stužak udzielničaje ŭ konkursie dziciačych karcin «Listapadzik». Usiaho ŭ fiestyvali biaruć udzieł 270 filmaŭ z 52 krain. Upieršyniu na minskim kinaforumie buduć prysutničać filmy z Ałbanii, Makiedonii, Charvatyi, Filipinaŭ, Čyli.
Na fiestyval čakajecca pryjezd u jakaści haściej Taćciany Daroninaj, Leanida Jarmolnika, Alaksandra Damaharava, Kiry Muratavaj, Kšyštafa Zanusi inšych.
Fiestyval projdzie z 14 pa 21 listapada. Upieršyniu na jaho adkryćcio i zakryćcio ŭ Pałacy respubliki buduć pradavacca kvitki. Ich košt składzie ad 7 da 20 tysiač rubloŭ.
U konkursnaj prahramie ihravoha kino prymajuć udzieł dźvie biełaruskija karciny. Heta «Insajt» Renaty Hryckovaj i «Snajpier» Alaksandra Jafremava. U «Listapadziku» ŭdzielničaje biełaruskaja stužka «Navahodnija pryhody ŭ lipieni» Aleny Turavaj i Ivana Paŭłava.
KM pavodle BIEŁTA
0
0
0
0
0
0