Foto: MASTACTVA Magazine
Siońnia ŭ asabistych sacsietkach dyrektarka padziakavała publicy za ŭvahu da muzieja. «Siabry, hetaja kamanda Muzieja Zaira Azhura raźvitvajecca z vami. Dziakuj, što byli», — napisała jana.
Z Bahdanavaj «sychodzić» asnoŭny kaściak tvorčych i navukovych supracoŭnikaŭ — śpiecyjalisty vymušanyja syści z-za represij u adras kalektyvu muzieja. Na hety momant dakładna viadoma ab zvalnieńni z 1 lutaha staršych navukovych supracoŭnikaŭ majsterni, krytykaŭ, kurataraŭ Uładzimira Parfianka i Mikałaja Pahranoŭskaha.
Ułady zanialisia ŭstanovaj u pačatku hetaha hoda. Jak pisaŭ Reform.by raniej pa infarmacyi z ułasnych krynic, kiraŭnictvu kuryrujučych muziej viedamstvaŭ nie spadabalisia «destruktyŭna nastrojenyja» tvorčyja rabotniki, z udziełam jakich u majsterni pravodzilisia mierapryjemstvy. Kab spynić volnaści, Ministerstva kultury i Minharvykankam zapłanavali kantrol nad ustanovaj, a paśla jaho dałučeńnie da Muzieja historyi horada Minska. Inšymi słovami, niama samastojnaha muzieja — niama i prablemy.
Kantrol pačaŭsia sa zvalnieńniaŭ «pa ŭłasnym žadańni».
Aksana Bahdanava była dyrektarkaj Muzieja-majsterni Zaira Azhura 19 hadoŭ. Pad jaje kiraŭnictvam ustanova adbyłasia nie tolki jak miemaryjalnaja majsternia viadomaha biełaruskaha savieckaha skulptara, ale i jak sučasny kulturny i art-centr. Tut pravodzilisia vystavy, kancerty, fiestyvali, majstar-kłasy, mierapryjemstvy łakalnaha i mižnarodnaha ŭzroŭniu, niekatoryja ź jakich stanavilisia brendam horada.
