«My źvierniemsia za viartańniem da Jeŭrapiejskaha sajuza, heta stanie jašče adnoj pravierkaj dobraj voli jeŭrapiejcaŭ», — skazaŭ premjer-ministr Polščy Matevuš Maraviecki.
Polšča raniej aficyjna zapytała dazvoł Hiermanii ŭchvalić pieradaču Ukrainie tankaŭ Leopard 2, jakija znachodziacca ŭ rasparadžeńni Polščy.
Pradstaŭnik urada Hiermanii ŭ svaju čarhu prakamientavaŭ zvarot Varšavy: «My razhledzim hetuju spravu z toj terminovaściu, jakoj jana zasłuhoŭvaje».
Prakamientavaŭ mahčymyja pastaŭki tankaŭ i pres-sakratar Kramla Dźmitryj Piaskoŭ: «Takija pastaŭki nie abiacajuć ničoha dobraha dla budučych stasunkaŭ. Jany, biezumoŭna, pakinuć nieminučy śled dla budučyni hetych adnosin», jakija pa słovach Piaskova, «i tak znachodziacca ŭ dosyć nizkaj kropcy».
