Fota ilustracyjnaje
«Za minuły hod u Biełarusi było abaroniena 190 dysiertacyj pa sacyjalna-humanitarnych navukach. Zdavałasia b, viartańnie da narmalnych tempaŭ paśla kryzisnych 2020 i 2021 hoda, kali abaraniałasia kala 150 dysiertacyj. Ale niekalki cikavych nazirańniaŭ:
34 dysiertacyi (kožnaja šostaja) — abaronienyja kitajcami! U niekatorych dyscyplinach zasille kitajcaŭ prosta krytyčnaje: z 18 dysiertacyj pa mastactvaznaŭstvie — 12 abaronieny kitajcami, z 4 dysiertacyj pa kulturałohii — 3 kitajskija.
Pry hetym niekatoryja dyscypliny znachodziacca ŭ krytyčnym stanie.
Pa psichałohii za 2022 hod abaronienaja tolki adna dysiertacyja (!). Rezka ŭpała kolkaść abaron pa historyi, za 2022 hod — tolki 12 dysiertacyj, raniej stabilna abaraniałasia štohod bolš za 30 dysiertacyj», — adznačaje aŭtar.
U toj ža čas vielmi papularnyja abarony dysiertacyj na atrymańnie stupieniaŭ kandydataŭ piedahahičnych navuk i daktaroŭ dy kandydataŭ ekanamičnych navuk.
Pry hetym sa 190 dysiertacyj tolki 20 było abaroniena na biełaruskaj movie.
I heta havorka pra sacyjalna-humanitarnuju śfieru, a ŭ techničnych navukach hetyja pakazčyki, vidavočna, nulavyja.
Čytajcie taksama:
Hienprakuror Švied u minułym hodzie staŭ nie prosta doktaram navuk, a «najlepšym» va ŭsioj krainie
