Avaryja adbyłasia kala siami hadzin ranicy na skryžavańni daroh R95 Łyntupy — Śvir — Kreva — Halšany i R106 Maładziečna — Smarhoń.
Kiroŭca «Reno», 40-hadovy minčuk, jechaŭ z boku Kreva i, vyjazdžajučy na abjaznuju darohu kala Smarhoni, nie pierakanaŭsia ŭ biaśpiecy ruchu. Pa hałoŭnaj darozie źleva ŭ hety čas jechaŭ hruzavik «Mersedes-Benc».
Aŭtamabili sutyknulisia. Udar pryjšoŭsia z boku kiroŭcy. Mužčyna atrymaŭ surjoznyja traŭmy i praź niekatory čas pamior na miescy zdareńnia.
Surjozna paciarpieŭ i pasažyr, 46-hadovy žychar Minska. Jaho dastavili ŭ reanimacyju. Kiroŭca hruzavika, uradženiec Viciebskaj vobłaści, nie paciarpieŭ.