Minabarony paviedamiła datu praviadzieńnia avijacyjnych vučeńniaŭ
Stała viadomaja data anansavanych raniej, jašče adnych sumiesnych biełaruska-rasijskich vučeńniaŭ. Lotna-taktyčnyja vučeńni avijacyjnych padraździaleńniaŭ uzbrojenych sił Biełarusi i Rasii, što ŭvachodziać u skład «rehijanalnaj hrupoŭki» vojskaŭ, projduć u Biełarusi z 16 studzienia pa 1 lutaha, paviedamiła pres-słužba biełaruskaha Minabarony.
Fota ilustracyjnaje
«Padčas praviadzieńnia lotna-taktyčnych vučeńniaŭ buduć zadziejničanyja ŭsie aeradromy i palihony VPS i vojskaŭ SPA Uzbrojenych Sił Biełarusi», — paviedamili ŭ Minabarony.
Taksama ŭ viedamstvie paćvierdzili, što siońnia ŭ Biełaruś prybyŭ «avijacyjny składnik ź liku Vajenna-kaśmičnych sił Uzbrojenych Sił Rasijskaj Fiederacyi». Raniej pra heta ŭžo paviedamlała manitorynhavaja hrupa «Biełaruski Hajun».