U pryvatnaści, udary zaznała cyvilnaja infrastruktura haradoŭ Horłaŭka Danieckaj vobłaści i Charkaŭ. Pavodle infarmacyi Hienštaba, zroblena bolš za 70 abstrełaŭ z reaktyŭnych sistem załpavaha ahniu.
«Hetaj nočču rasijskija akupanty ŭ čarhovy raz nanieśli ŭdar pa enierhietyčnaj infrastruktury Charkava, užyŭšy dla hetaha 13 iranskich BPŁA «Šachied-136». 11 hetych dronaŭ padraździaleńni sił abarony Ukrainy źbili», — paviedamlajecca ŭ zvodcy.
Uviečary ŭ sieradu kamandavańnie «Uschod» pavietranych sił Ukrainy paviedamlała, što nad Dnieprapiatroŭskaj vobłaściu byli źbityja piać bieśpiłotnikaŭ — mierkavana «Šachiedaŭ» iranskaj vytvorčaści.
Kiraŭnik Mikałajeŭskaj abłasnoj administracyi Vital Kim paviedamlaŭ, što jašče dva bieśpiłotniki pralacieli ŭviečary ŭ sieradu mima Pieršamajska, horada na poŭnačy vobłaści, u bok susiedniaj Umani.
