Zhodna z dakumientam, apublikavanym 24 śniežnia, upraŭleńnie pa ekspłuatacyi budynkaŭ Fiederalnaha schodu Upraŭleńnia spravami prezidenta RF maje namier nabyć u polskaha pastaŭščyka šeść picht Nordmana vyšynioj ad 2,3 da 4,5 mietra, z «hustoj i simietryčnaj kronaj». Vydatkavać na heta płanujecca 218 tysiač rasijskich rubloŭ (~$3200).
Pieramožcu zakupki treba budzie dastavić drevy pa adrasach Savieta Fiederacyi i Padlikovaj pałaty RF.
Śpis «niedružalubnych» krain źjaviŭsia ŭ Rasii ŭ 2021 hodzie. Pieršapačatkova tudy ŭvajšli ZŠA i Čechija. Paśla pačatku vajny va Ukrainie ŭ čorny śpis Rasija dadała ŭsich členaŭ Jeŭrasajuza, a taksama Japoniju, Aŭstraliju, Novuju Ziełandyju, Ukrainu i niekatoryja inšyja krainy, jakija padtrymali zachodnija sankcyi suprać Rasii. Polšča, viadoma, uvachodzić u hety śpis.
