Fota: TASS
Pažar uspychnuŭ nočču. Dvuchpaviarchovy draŭlany budynak, abstalavany pad načležku i prytułak dla pažyłych ludziej na Taŭryckaj vulicy Kiemierava, vyhareŭ amal całkam, piša Bi-bi-si.
Ad budynka zastaŭsia tolki karkas pieršaha paviercha ź mietaličnym praflistom, druhi pavierch całkam vyhareŭ.
Pa papiarednich danych, pryčynaj uzharańnia stała niaspraŭnaść aciaplalnaha katła.
Jašče šeść čałaviek, pavodle źviestak pres-słužby Kuzbaskaha centra miedycyny katastrof, paciarpieli pry pažary.
«Dapamoha akazana šaści paciarpiełym, siarod jakich čatyry čałavieki z atručeńniami praduktami hareńnia lohkaj stupieni, jany nakiravanyja na ambułatornaje lačeńnie, dva čałavieki z apiokami špitalizavanyja ŭ ciažkim stanie», — havorycca ŭ paviedamleńni.
Na miescy trahiedyi praciahvajucca raboty pa razbory zavałaŭ.
Śledčy kamitet raspačaŭ kryminalnuju spravu pa artykule «Pryčynieńnie śmierci pa nieaściarožnaści dźvium abo bolš asobam». Kiraŭnik Kuzbasa Siarhiej Cyviloŭ zajaviŭ, što buduć pravieranyja ŭsie ŭstanovy takoha typu, u pieršuju čarhu pryvatnyja.
