Uładzimir Zialenski i Džo Bajden u Biełym domie. Fota: Patrick Semansky / AP
«Isnujuć try roznyja madeli taho, jak moža vyhladać zakančeńnie vajny šlacham pieramovaŭ, kožnaja ź jakich maje prychilnikaŭ u administracyi [Bajdena].
Adna ź ich źjaŭlajecca častkaj mirnaha płana, prapanavanaha Zialenskim u minułym miesiacy. Jana ŭklučaje vyvad rasijskich vojskaŭ z usioj ukrainskaj terytoryi, uklučajučy Krym i rajony ŭschodniaha Danbasa, zachoplenyja ŭ 2014 hodzie.
Druhaja madel — heta advod vojskaŭ na linii 2014 hoda. Treciaja madel — vyvad vojskaŭ u tym liku z Danbasa, ale nie z Kryma».
Jak adznačaje vydańnie, Zialenski daŭ zrazumieć, što nie padtrymaje apošnija dva varyjanty. Pa słovach prezidenta Ukrainy, mir mahčymy tolki tady, kali rasijskija akupanty syduć z usioj akupavanaj terytoryi.
Vysokapastaŭleny čynoŭnik ZŠA raspavioŭ WP, što padčas asabistaj sustrečy Bajden chacieŭ pačuć «biahučyja dumki Zialenskaha pra toje, jak pavinna vyhladać madel mirnych pieramovaŭ», ale pryznaŭ, što «heta svajho kštałtu akademičnaja dyskusija na hety momant», bo niama nijakich prykmiet taho, što Rasija zacikaŭlenaja ŭ pieramovach.
