Źmianšeńnie realnych zarobkaŭ u paraŭnańni z 2021 hodam startavała ŭ sakaviku. Tak, realny zarobak za sakavik upaŭ da supastaŭnaha miesiaca 2021-ha na 0,7%, za krasavik — na 4,5%, za maj — na 5,7%, za červień — na 4,2%, za lipień — na 5,9%, za žnivień i vierasień — na 4,0%, za kastryčnik — na 4,5%.

Z maja pa kastryčnik stalica Biełarusi lidziruje pa tempach skaračeńnia realnaj zarpłaty da 2021 hoda (u paraŭnańni z abłaściami). Za maj realny zarobak u Minsku ŭpaŭ na 9,3%, za červień — na 6,2%, za lipień i žnivień — na 7,9%, za vierasień — na 6,8%, za kastryčnik — na 7,1%. Pieršynstvo Minska pa spadzie źviazana z rełakacyjaj ajcišnikaŭ i ŭmacavańniem biełaruskaha rubla da dalara i jeŭra.

Daviedačna: pry supastaŭleńni zarobkaŭ vykarystoŭvajucca zarobki pa naličeńni. Zarobak pa naličeńni — heta zarobak da vyličeńnia padachodnaha padatku, uznosu rabotnika ŭ FSAN (1%), a taksama da vyličvańnia prafsajuznych uznosaŭ, alimientaŭ, štrafaŭ i h. d.

U Bresckaj vobłaści siaredni naličany zarobak u kastryčniku macniej za ŭsio ŭpaŭ u Ivacevickim, Hancavickim, Drahičynskim i Baranavickim rajonach. U Ivacevickim rajonie realny zarobak, pavodle Biełstata, skaraciŭsia da kastryčnika-2021 na 5,2%, u Hancavickim — na 5,1%, u Drahičynskim — na 3,8%, u Baranavickim — na 3,7%.

U Viciebskaj vobłaści naličany zarobak u kastryčniku bolš za ŭsio pamienšyŭsia ŭ Viciebskim, Ušackim, Loźnienskim i Dokšyckim rajonach. U Viciebskim rajonie realny zarobak upaŭ da kastryčnika-2021 na 9,2%, va Ušackim — na 8,6%, u Loźnienskim — na 7,1%, u Dokšyckim — na 6,8%.

U Homielskaj vobłaści naličany zarobak u kastryčniku najbolš skaraciŭsia ŭ Lelčyckim, Naraŭlanskim, Chojnickim i Łojeŭskim rajonach. U Lelčyckim rajonie realny zarobak upaŭ da kastryčnika-2021 na 8,5%, u Naraŭlanskim — na 8,3%, u Chojnickim — na 8,0%, u Łojeŭskim — na 7,2%.

U Hrodzienskaj vobłaści naličany zarobak u kastryčniku bolš za ŭsio pamienšyŭsia ŭ Mastoŭskim, Iŭjeŭskim, Smarhonskim i Astravieckim rajonach. U Mastoŭskim rajonie realny zarobak źniziŭsia da kastryčnika-2021 na 7,1%, u Iŭjeŭskim — na 6,9%, u Smarhonskim — na 3,4%, u Astravieckim — na 2,7%.

U Mahiloŭskaj vobłaści naličany zarobak u kastryčniku macniej za ŭsio pamienšyŭsia ŭ Čerykaŭskim, Mahiloŭskim, Kiraŭskim i Klimavickim rajonach. U Čerykaŭskim rajonie realny zarobak upaŭ da kastryčnika-2021 na 10,2%, u Mahiloŭskim — na 7,9%, u Kiraŭskim i Klimavickim — na 6,0%.

U Minskaj vobłaści naličany zarobak ŭ kastryčniku bolš za ŭsio źmienšyŭsia ŭ Salihorskim, Minskim, Červieńskim i Vilejskim rajonach. U Salihorskim rajonie realny zarobak skaraciŭsia da kastryčnika-2021 na 10,3%, u Minskim — na 7,3%, u Červieńskim — na 6,9%, u Vilejskim — na 4,8%.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?