Raniej Kastylja abviaściŭ, što zamianiaje Kanhres Respubliki (tak aficyjna nazyvajecca pieruanski parłamient) nadzvyčajnym časovym uradam.
Adnak zakanadaŭcy praihnaravali hety krok i sklikali ŭłasny ekstranny schod, na jakim pryniali rašeńnie ab impičmiencie prezidenta.
Paśla hetaha pieruanskaja palicyja apublikavała ŭ tvitary fatahrafii, na jakich Kastylja znachodzicca ŭ palicejskim učastku. U paviedamleńni pravaachoŭnyja orhany nazyvali jaho «byłym prezidentam» i pisali, što byli vymušanyja ŭmiašacca ŭ situacyju, kab vykanać svaje abaviazki. Paźniej zdymki byli vydalenyja.
Zatym byli apublikavanyja kadry, na jakich Kastylja padpisvaje niejkija dakumienty.
Marcija Bareta, pradstaŭnik hrupy prakuroraŭ pa rasśledavańni karupcyi va ŭradzie, zajaviła, što Kastylja aryštavany. Krynicy ahienctva Frans Pres paviedamlajuć, što jaho padazrajuć u miaciažy.
Tym časam parłamient u jakaści časovaha lidara pryvioŭ da prysiahi dziejnaha vice-prezidenta Dzinu Bałuarte, jakaja nieadkładna zaklikała da palityčnaha pieramirja ŭ intaresach pieraadoleńnia nacyjanalnaha kryzisu.
60-hadovaja Bałuarte stała pieršaj žančynaj na pasadzie prezidenta Pieru, jana zajaviła, što zastaniecca na hetaj pasadzie da lipienia 2026 hoda, kali pavinna było skončycca prezidenctva Kastylja.
Padziei ŭ Pieru pačali raźvivacca imkliva paśla taho, jak Pedra Kastylja vystupiŭ sa zvarotam pa nacyjanalnym telebačańni, padčas jakoha abviaściŭ u krainie nadzvyčajnaje stanovišča.
Kastylja paviedamiŭ, što raspuskaje parłamient, bolšaść u jakim składajuć pradstaŭniki apazicyi, što vyklikała šok u krainie i za miažoj. Niekalki ministraŭ pieruanskaha ŭrada nieadkładna padali ŭ adstaŭku, a kiraŭnik Kanstytucyjnaha suda abvinavaciŭ prezidenta ŭ sprobie dziaržaŭnaha pieravarotu.
ZŠA zaklikali Kastylja admianić svajo rašeńnie, vice-prezident Bałuarte abvinavaciła jaho ŭ padryvie kanstytucyjnaha paradku, a pieruanskaja palicyja i ŭzbrojenyja siły ŭ sumiesnaj zajavie padkreślili, što buduć i nadalej pavažać Kanstytucyju krainy.
Sprobu raspuścić parłamient Kastylja raspačaŭ u jakaści previentyŭnaj miery — jon zrabiŭ heta ŭsiaho za niekalki hadzin da taho, jak zakanadaŭcy pavinny byli prahałasavać za praceduru jaho impičmientu (hałasavańnie pa hetym pytańni pavinna było stać užo trecim z momantu abrańnia Kastylja ŭ lipieni 2021 hoda).
U Pieru prezident raspuściŭ parłamient. A jamu abviaścili impičmient
