«Akramia ankietnych źviestak — proźvišča, imia, imia pa baćku — u charaktarystycy budzie adlustravany siamiejny status dziciaci. My pavinny viedać, ź jakoj jon siamji: šmatdzietnaj, jakaja znachodzicca ŭ sacyjalna niebiaśpiečnym stanoviščy», — raspavioŭ Andrej Ivaniec.
Asablivuju ŭvahu nadaduć chobi vypusknika, a jašče adzin punkt dakumienta budzie pryśviečany ŭdziełu ŭ mierapryjemstvach patryjatyčnaj i pracoŭnaj nakiravanaści. Najpierš heta tyčycca ŭdziełu dziciaci ŭ hramadskich moładzievych abjadnańniach.
Charaktarystyka vypusknika škoły budzie padavacca razam z zajavaj ab pastupleńni ŭ VNU, to-bok jana ŭvojdzie ŭ kamplekt dakumientaŭ, nieabchodnych pry pastupleńni. Pa słovach ministra, charaktarystyka budzie ŭpłyvać na adukacyjny i vychavaŭčy praces.
