Centr biełaruskaj salidarnaści paviedamlaje, što hetym prajektam praduhledžana, što pryjom zajaŭ na atrymańnie humanitarnaj vizy i vizy dla kiroŭcaŭ-mižnarodnikaŭ na terytoryi Respubliki Polšča budzie padoŭžany da 31 sakavika 2023 hoda.
Što źmienicca?
Hramadzianie Respubliki Biełaruś i Ukrainy, jakija zajechali na terytoryju Respubliki Polšča na padstavie vizy Poland.Business Harbour, zmohuć chadajničać ab vydačy humanitarnaj vizy na terytoryi Polščy.
Admianiajecca taksama patrabavańnie, zhodna ź jakim zajavy mohuć padavać tolki hramadzianie Respubliki Biełaruś, jakija z-za pahrozy represij, abo pieraśledu, abo pa mierkavańniach biaśpieki nie mohuć viarnucca ŭ krainu svajho hramadzianstva.
Chto zaraz zmoža padać zajavu na atrymańnie humanitarnaj vizy ministru zamiežnych spraŭ na terytoryi Polščy?
Hramadzianie Biełarusi, jakija znachodziacca na dzień padačy zajavy na terytoryi Respubliki Polšča na padstavie dziejučaj humanitarnaj vizy.
Hramadzianie Biełarusi, jakija
a) prybyli na terytoryju Respubliki Polšča ŭ pieryjad z 24 lutaha 2022 hoda z terytoryi Ukrainy ŭ suviazi z vajennymi dziejańniami, jakija adbyvajucca na jaje terytoryi, i
b) niepasredna pierad 24 lutaha 2022 hoda lehalna znachodzilisia na terytoryi Ukrainy.
Hramadzianie Ukrainy i Biełarusi, jakija zajechali na terytoryju Polščy na padstavie nacyjanalnaj vizy z pamietkaj Poland.Business Harbour.
Pastanova ŭstupaje ŭ siłu na nastupny dzień paśla jaho aficyjnaha apublikavańnia.
Na siońniašni dzień, 6 śniežnia, prajekt znachodzicca na stadyi ŭzhadnieńnia.
