U žniŭni 2020 hoda na znak pratestu suprać žorstkich razhonaŭ mirnych akcyj Siemčanka zvolniŭsia. U vieraśni 2020 hoda Dzmitryja asudzili za ŭdzieł u pratesnym maršy 16 žniŭnia i pryznačyli 15 sutak administracyjnaha aryštu.
Paśla zvalnieńnia ź dziaržaŭnaha telekanała Dzmitryj Siemčanka pracavaŭ u PR-śfiery, byŭ supracoŭnikam kampanii «Biełahra».
15 vieraśnia 2022 hoda Dźmitryja Siemčanku zatrymali razam z žonkaj i prysudzili jamu 15 sutak administracyjnaha aryštu pa artykule 19.1 KaAP (drobnaje chulihanstva). Paśla zakančeńnia hetaha terminu Dzmitryj nie vyjšaŭ na volu i byŭ asudžany jašče na 13 sutak aryštu pa artykule 19.11 KaAP za raspaŭsiud «ekstremisckich materyjałaŭ» u sacyjalnych sietkach.
Kali Dzmitryj Siemčanka 13 kastryčnika 2022 hoda nie vyjšaŭ na volu, stała viadoma, što na jaho zaviali kryminalnuju spravu pa č. 1 art. 130 KK RB («raspalvańnie sacyjalnaj varožaści ci varažniečy»). Artykuł praduhledžvaje maksimalnuju sankcyju ŭ vyhladzie pazbaŭleńnia voli na termin da piaci hadoŭ.
