U Šanchai sotni ludziej trymali ŭ rukach čystyja arkušy biełaj papiery — simvaličny pratest suprać cenzury — i skandavali: «Patrebnyja pravy čałavieka, patrebnaja svaboda». Niekatoryja taksama vykrykvali zakliki da Si Czińpina syści ŭ adstaŭku.
Da viečara 27 listapada masavyja demanstracyi raspaŭsiudzilisia na Piekin, Čeńdu, Huančžou i Uchań, dzie tysiačy žycharoŭ patrabavali nie tolki spynieńnia abmiežavańniaŭ, źviazanych z karanavirusam, ale i palityčnych svabod.
Žychary niekatorych zakrytych rajonaŭ razburali barjery i vychodzili na vulicy.
Ludzi ŭskładajuć adkaznaść na ŭładu, jakaja pravodzić palityku «nulavoha kavidu» i amal try hady zamiest taho, kab budavać bolš lakarniaŭ i padkreślivać nieabchodnaść vakcynacyi, układała vializnyja resursy ŭ srodki masavaha teściravańnia, karancinu i izalacyi.
