Fota: AP
Były premjer-ministr Vialikabrytanii Borys Džonsan raskazaŭ u intervju CNN Portugal pra toje, jak sajuźniki Ukrainy hladzieli na pierśpiektyvy vajny ŭ lutym, adrazu paśla pačatku rasijskaj ahresii.
«Heta było vialikim šokam… My nazirali, jak hrupujucca rasijskija bataljonna-taktyčnyja hrupy, ale roznyja krainy reahavali pa-roznamu, — skazaŭ Džonsan. — Hiermanija ŭ niejki momant ličyła, što kali heta adbudziecca, što budzie katastrofaj, to lepš chutčej z usim skončyć, a Ukrainie — zdacca».
«Nie sumniavajciesia, što francuzy admaŭlalisia ŭ heta vieryć da samaha apošniaha momantu», — dadaŭ jon.
Džonsan raskrytykavaŭ urad Italii, premjeram jakoj u toj čas byŭ Marya Drahi. Pa jaho słovach, u niejki momant jany zajavili, što prosta nie mohuć padtrymać pazicyju inšych krain praz zaležnaść ad rasijskich vuhlevadarodaŭ.
