«Ja ŭpeŭnieny, i ŭ Rasii hetak ža dumajuć, — my vystaim pierad naciskam z boku tak zvanaha kalektyŭnaha Zachadu i inšymi našymi vorahami nie tolki ŭ vajskovych adnosinach, ale, pierš za ŭsio, u ekanamičnych», — padkreśliŭ Łukašenka ŭ paniadziełak na sustrečy z kiraŭnikom Udmurtyi Alaksandram Bračałavym.
Jon adznačyŭ, što dźvie krainy razam mohuć vyrašać «samyja vostryja pytańni», ale partnioram važna nie hublać čas i aktyŭna realizoŭvać namiečanyja damoŭlenaści. «Čas ad nas patrabuje pavieličeńnia chutkaści. Spašlusia na pieramovy z prezidentam Rasii: hałoŭnaje, pra što my kažam, — my ŭsie možam, ale nam treba krychu času. Siońnia navat nie hrošy hałoŭnaje <…>, a voś času ŭ nas zusim mała», — skazaŭ Alaksandr Łukašenka.
Łukašenka taksama nahadaŭ, što zaraz vyznačany sumiesnyja biełaruska-rasijskija prajekty, na terytoryi Biełarusi ich budzie bolš za dziasiatak, značnaja častka — u Rasii.
