Zhodna z materyjałami spravy, Patapaŭ dvojčy pakidaŭ kamientar u «Adnakłaśnikach», dzie pisaŭ ab zapusku rakiet z terytoryi Biełarusi va Ukrainu i zhadvaŭ Łukašeku. Heta adbyłosia paśla adnaho z abstrełaŭ Kijeva — z-za ich u horadzie zahinuła jaho dačka, a niepaŭnahadovaja plamieńnica straciła nahu.
Na pasiadžeńni Patapaŭ pryznaŭ vinu. Sudździa spytaŭ jaho: «Jak vy źviazali prysutnaść prezidenta Łukašenki z tym, što adbyłosia ŭ vašaj siamji?».
Na čarhovym sudovym pasiadžeńni Patapaŭ zajaviŭ, što ŭ jaho pastajanna drennaje samaadčuvańnie, ciažar u hałavie, słabaść, i jon vymušany prymać abiazbolvalnyja srodki. Jamu abiacali abśledvańnie ŭ miedycynskim stacyjanary, ale apošnija 94 dni jon znachodziŭsia ŭ žorstkich umovach źniavoleńnia ŭ ŠIZA.
«Ja bajusia za svajo žyćcio», — zajaviŭ Patapaŭ sudu.
Sud abviaściŭ pierapynak i zaprasiŭ daviedku ab stanie zdaroŭja abvinavačanaha. Miedyk SIZA № 2, jakoha vyklikali ŭ sud, paviedamiŭ, što Alaksandru akazvajecca naležnaja miedycynskaja dapamoha, źmiaščeńnie ŭ stacyjanar nie patrabujecca. Daviedku dałučyli da materyjałaŭ spravy.
Tym nie mienš, heta nie paŭpłyvała na rašeńnie suda pryznać Alaksandra Patapava vinavatym i pryznačyć jamu pakarańnie ŭ vyhladzie pazbaŭleńnia voli terminam na 2 hady va ŭmovach ahulnaha režymu.