Tak, u miedcentry «Kravira» ŭstanoŭlenyja hrubyja parušeńni licenzijnych patrabavańniaŭ i ŭmoŭ u častcy adsutnaści miedycynskaj dakumientacyi, dahavoraŭ na techničnaje absłuhoŭvańnie miedycynskaj techniki, vykarystańnie niezarehistravanaj miedycynskaj techniki.
Taksama tam zafiksavanyja fakty nievykanańnia kliničnych pratakołaŭ dyjahnostyki i lačeńnia, zaćvierdžanych Minzdaroŭja, u tym liku słužbaj aniestezijałohii i reanimacyi, a mienavita vyjaŭleny fakty akazańnia miedycynskaj dapamohi z parušeńniami, jakija źjaŭlajucca vielmi značnymi i mohuć paciahnuć, a mahčyma paciahnuli, pryčynieńnie škody žyćciu i zdaroŭju, što charaktaryzuje miedycynskuju dapamohu jak niebiaśpiečnuju.
Arhanizacyja miedycynskaj dapamohi ŭ hetym centry stvaraje realnuju pahrozu žyćcia pacyjentaŭ pry mahčymym raźvićci uskładnieńniaŭ ŭ rańnim paślaapieracyjnym pieryjadzie, havorycca ŭ paviedamleńni Minzdaroŭja.
Taksama zafiksavanyja:
— parušeńni ŭ praviadzieńni miedycynskich ahladaŭ, arhanizacyi i praviadzieńni ekśpiertyzy časovaj niepracazdolnaści;
— parušeńni ŭ arhanizacyi i akazańni nieadkładnaj miedycynskaj dapamohi;
— parušeńni ŭ śfiery abarotu lekavych srodkaŭ, a mienavita nienaležnaha ich zachoŭvańnia;
— parušeńni sanitarna-epidemijałahičnych patrabavańniaŭ, sanitarnych normaŭ, praviłaŭ i hihijeničnych narmatyvaŭ, u tym liku parušeńni pry praviadzieńni sterylizacyi endaskapičnaha abstalavańnia.
U TAA «Doktar Nema» zafiksavanyja:
— hrubyja parušeńni licenzijnych patrabavańniaŭ i ŭmoŭ u častcy adsutnaści miedycynskaj dakumientacyi, dahavoraŭ na techničnaje absłuhoŭvańnie miedycynskaj techniki;
— parušeńni sanitarna-epidemijałahičnych patrabavańniaŭ, sanitarnych normaŭ, praviłaŭ i hihijeničnych narmatyvaŭ.
U TAA «PlejadaMied»(Dental Clinic):
— ustanaŭleńnie faktu vykanańnia vidu rabot, nie zajaŭlenych u licenzii,
— parušeńni patrabavańniaŭ da zaniaćcia pasad (vykanańnie rabot śpiecyjalistam nie pa svajoj śpiecyjalnaści i kvalifikacyi),
— parušeńni sanitarna-epidemijałahičnych patrabavańniaŭ, sanitarnych normaŭ, praviłaŭ i hihijeničnych narmatyvaŭ (u častcy praviadzieńnia dezinfiekcyi, sterylizacyi, ustanoŭleny fakty paŭtornaha prymianieńnia miedvyrabaŭ adnarazovaha prymianieńnia, vykarystańnia dla lačeńnia nie prasterylizavanych miedvyrabaŭ i inš.),
— hrubyja parušeńni licenzijnych patrabavańniaŭ i ŭmoŭ u častcy adsutnaści miedycynskaj dakumientacyi, dahavoraŭ na techničnaje absłuhoŭvańnie miedycynskaj techniki, vykarystańnie niezarehistravanaj miedycynskaj techniki, lekaŭ i mietodyk.
Ukazanyja parušeńni ŭ TDA «Miedycynski centr «Kravira», TAA «Doktar Nema», TAA «PlejadaMied» (Dental Clinic) mahli paciahnuć pryčynieńnie škody dziaržaŭnym ci hramadskim intaresam, žyćciu, zdaroŭju, pravam i zakonnym intaresam hramadzian abo stvaryć pahrozu pryčynieńnia takoj škody, padkreślivaje Minzdaroŭja.
Rašeńnie nabyvaje moc 28 listapada.
