«Ukrainski kontrnastup na Chiersonskim napramku sa žniŭnia — skaardynavanaja kampanija pa pierachopie, nakiravanaja na toje, kab prymusić rasijskija vojski adstupić za Dniapro bieź nieabchodnaści bujnych naziemnych nastupalnych apieracyj z boku Ukrainy, — vierahodna, uviančałasia pośpiecham», — havorycca ŭ tradycyjnaj zvodcy.
Na praciahu minułych miesiacaŭ ukrainskija vojski pravodzili metanakiravanuju i dobra vykananuju kampaniju pa naniasieńni ŭdaraŭ pa miescach zasiarodžvańnia rasijskich vojskaŭ, vajskovych abjektach i vuzłach łahistyki pa ŭsioj Chiersonskaj vobłaści, kab zrabić dalejšaje ŭtrymańnie rasijskich pazicyj na zachodnim bierazie niemahčymym bieź nieabchodnaści praviadzieńnia maštabnych i darahich naziemnych apieracyj dla vyzvaleńnia terytoryi.
Pry hetym rasijskija krynicy adznačyli, što vyvad vojskaŭ źjaŭlajecca naturalnym śledstvam metanakiravanych i sistematyčnych ukrainskich udaraŭ, jakija kaštavali rasijskaj hrupoŭcy na zachodnim bierazie jaje asnoŭnych arteryj zabieśpiačeńnia, što pastupova źmienšyła ich ahulnuju siłu i mahčymaści.
Analityki adznačajuć, što rasijskaje adstupleńnie naŭrad ci źjaŭlajecca pastkaj, jakaja maje na mecie pryvabić ukrainskija vojski ŭ bai pad Chiersonam, jak miarkujuć niekatoryja ŭkrainskija i zachodnija krynicy.
«Rasijskaje kamandavańnie, biezumoŭna, budzie sprabavać zapavolić prasoŭvańnie ŭkrainskich vojskaŭ, kab zabiaśpiečyć uparadkavany adychod, i niekatoryja siły mohuć zastacca, kab zatrymać ukrainskija vojski ŭ samym Chiersonie, ale hetyja bai buduć tolki srodkam dla vyvadu jak maha bolšaj kolkaści rasijskich padraździaleńniaŭ u naležnym paradku», — śćviardžajuć u ISW.
