Jak raskazała namieśnik hałoŭnaha doktara pa miedycynskaj častcy Valancina Tuchto, vakcynacyja ad COVID-19 kubinskaj vakcynaj Soberano Plus startavała 9 listapada.
Pa jaje słovach, preparat zručny va ŭžyvańni, bo nie patrabuje zamarozki. Pavodle infarmacyi vytvorcaŭ, vyniki papiarednich daśledavańniaŭ prymianieńnia vakcyny Soberana Plus pakazali, što paśla pryščepki kolkaść niejtralizujučych antyciełaŭ (da karanavirusa) pavialičvajecca da 96,5 %. Akramia taho, vakcyna dobra pieranosicca, efiektyŭnaja suprać roznych štamaŭ kavid-infiekcyi.
Pa słovach śpiecyjalista, kubinskim preparatam možna pryščaplać praz čatyry miesiacy paśla poŭnaha kursa vakcynacyi (ad karanavirusa), a pierachvarełym na COVID-19 — praz dva miesiacy paśla vyzdaraŭleńnia. Bolš za toje, vytvorcy rekamiendujuć Soberana Plus dzieciam z 2 hadoŭ.
