Aficyjna pracedura likvidacyi biznesu była zapuščanaja ŭ kancy vieraśnia.
Asnoŭny ofis raspracoŭki kampanii pracavaŭ u Minsku z 2015 hoda, a ŭ 2016-m «Vorkfjužn Sistems» stała rezidentam PVT. 100% ułaśnikam biełaruskaj jurydyčnaj asoby źjaŭlajecca amierykanskaja WorkFusion.
U profili WorkFusion na dev.by paznačana, što ŭ Biełarusi pracavała 130 śpiecyjalistaŭ. Apošni raz profil abnaŭlaŭsia ŭ lipieni 2021 hoda. Miarkujučy pa profili kampanii ŭ LinkedIn, u Biełarusi bolš niama nivodnaha supracoŭnika: bolšaść vybrali ŭ jakaści łakacyi ZŠA, bolš za 70 pierabralisia ŭ Polšču, stolki ž — u Indyju.
Hałoŭnaja štab-kvatera zasnavanaj u 2010 hodzie WorkFusion znachodzicca ŭ Ńju-Jorku, ofisy kampanii adkrytyja ŭ roznych krainach Azii i Jeŭropy. U WorkFusion niama biełaruskich karanioŭ, ź Minskam jaje źviazvaŭ tolki bujny R&D ofis.
