Spravu razhladaje sudździa Śviatłana Čarapanava.
Palitźniavoleny Hleb Hładkoŭski — viadomy ŭ Biełarusi arhanizatar kinazdymkaŭ z pavietra kvadrakoptarami — byŭ zatrymany ŭ Breście 30 vieraśnia 2021 hoda pavodle spravy, raspačataj za kamientary ŭ internecie paśla hibieli ŭ minskaj kvatery supracoŭnika KDB Dźmitryja Fiedasiuka i it-śpiecyjalista Andreja Zielcera. Viadoma, što Hleb pakinuŭ paviedamleńnie «Dzimon tu-du-tu» (pa matyvach muzyki ź filma «Bumier»).
Jon utrymlivaŭsia spačatku ŭ śledčaj turmie ŭ Žodzinie, a sioleta ŭ siaredzinie maja stała viadoma ab pieravodzie palitviaźnia ŭ SIZA-1.
Viadoma, što 37-hadovaha Hleba Hładkoŭskaha abvinavačvajuć u abrazie prezidenta (č. 1 art. 368 Kryminalnaha kodeksa), raspalvańni inšaj sacyjalnaj varožaści (č. 1 art. 130), u zaklikach da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi (č. 3 art. 361), i pieraškodzie zakonnaj prafiesijnaj dziejnaści žurnalista (art. 198).
Pakul heta ŭsia infarmacyja, viadomaja pravaabaroncam ab kryminalnym pieraśledzie Hładkoŭskaha.
