Chasiejn Amir-Abdałachijan ź ministram zamiežnych spraŭ Rasii Siarhiejem Łaŭrovym. Fota: Maxim Shemetov/Pool Photo via AP
«My pradali abmiežavanuju kolkaść dronaŭ Rasii za niekalki miesiacaŭ da vajny va Ukrainie», — cytujuć žurnalisty zajavu Amir-Abdałachijana.
U toj ža čas kiraŭnik MZS śćviardžaje, što Tehieran nibyta nie viedaŭ pra vykarystańnie dronaŭ suprać Ukrainy.
«Kali (Kijeŭ) maje dakumienty, jakija paćviardžajuć, što Rasija vykarystała iranskija drony va Ukrainie, jany pavinny dać ich nam. Kali nam dakažuć, što Rasija vykarystoŭvała iranskija drony ŭ vajnie suprać Ukrainy, my nie zastaniemsia abyjakavymi», — dadaŭ jon.
Supracoŭnictva Rasii i Irana aktyvizavałasia paśla poŭnamaštabnaha rasijskaha ŭvarvańnia va Ukrainu. U hetaj vajnie, jak zajavili Ukraina i zachodnija krainy, Rasija vykarystoŭvaje drony-kamikadze Shahed-136 iranskaj vytvorčaści, jakija byli zadziejničanyja, u pryvatnaści, padčas masiravanych udaraŭ pa ŭkrainskich haradach u kastryčniku.
Pavodle źviestak Washington Post, Iran taksama pahadziŭsia tajemna pieradać Rasii balistyčnyja rakiety małoj dalokaści kłasa «ziamla-ziamla» Fateh-110 i Zolfagha.
