Vioska Mačany znachodzicca za 15 kiłamietraŭ ad Minska — pobač z vozieram Viača. Heta prestyžny nasieleny punkt — tut u liku inšych sialilisia bankiry i biznesmieny, u tym liku i Viktar Babaryka.
Niadaŭna tut na prodaž vystavili šykoŭny dvuchpaviarchovy asabniak 2021 hoda pabudovy. Padmurak i mižpavierchavyja pierakryćci — zaliŭny žalezabieton. Ścieny — čyrvonaja cehła (taŭščynia 65 sm plus uciapleńnie 5 sm). Dach — čyrvonaja dachoŭka. Fota doma zvonku niama, ale razmach zrazumieły i pa fatahrafijach unutry.
Na ŭvachodzie ŭ dom — vialikaja haścioŭnia ź vintavoj leśvicaj na druhi pavierch, a taksama kuchnia z sapraŭdnaj ruskaj piečkaj z kaflaj. Darečy, heta nie adzinaja takaja pieč u domie.
U domie taksama jość kabiniet i biljardavaja. Usio zroblena stylna i doraha.
Akramia taho, u domie jak minimum try asobnyja spalni. Jany vyhladajuć tak:
Kieramičnaja plitka šyrokafarmatnaja — Italija. Santechnika — Hiermanija, Partuhalija, Šviejcaryja. Śviacilni — Italija, Hiermanija, Aŭstryja. Bytavaja technika — Miele, Smeg, Siemens, Bosh, AEG.
Da doma dadajecca i ŭłasny SPA-kompleks z cylindravanaha brusa dyjamietram 32 sm. Tut jość basiejn, hidramasažny basiejn, saŭna, chamam.
Što tyčycca inžyniernaha načyńnia — to ŭsio taksama na samym vysokim uzroŭni. Tut ustalavany hazavy kacioł Immergas z aŭtamatykaj dla nadvorja. Vada — indyvidualnaja śvidravina. Advod liŭnievych vodaŭ u dva niezaležnyja kałodziežy.
Jość navat sistema ubudavanaha pyłasosa Vacu Maid VACUFLO i vodapadrychtoŭki. Kanalizacyja — miascovaja, antysieptyk. Aŭtamatyčnyja vuličnyja i haražnyja varoty — Door Han.
Kali ličyć płošču doma razam sa SPA-zonaj, to vychodzić naohuł 914 kvadratnych mietraŭ.
Učastak — 24 sotki. Tam zrobleny łandšaftny dyzajn.
Cana za usio — 1 970 000 dalaraŭ.
