32-hadovy mužčyna ź Nižaharodskaj vobłaści sprabavaŭ zapisacca na vajnu dobraachvotnikam. Ale jamu admovili, bo ŭ taho byŭ «bieły bilet».
Paśla maładzion sprabavaŭ trapić u PVK, ale tam jamu admovili z-za nabitaha hierba Ukrainy, piša Baza.
Spačatku viarboŭščyki tatuiroŭku nie zaŭvažyli, i mužčyna navat paśpiachova prajšoŭ palihraf, choć ekśpiertaŭ źlohku źbiantežyła najaŭnaść u jaho svajakoŭ va Ukrainie. Zatym nižaharodca paprasili raskazać pra svaje asablivyja prykmiety, kab ich sfatahrafavać, i tak na jaho šyi vyjaviŭsia «tryzub».
Mužčyna patłumačyŭ, što jaho siamja žyła pad Adesaj, ale ŭ kancy dzievianostych pierajechała ŭ Rasieju i atrymała hramadzianstva. Tatuiroŭku ž jon nabiŭ jašče ŭ 2010 hodzie i asablivaha sensu ŭ jaje nie ŭkładvaŭ, akramia napaminu ab krainie, u jakoj jon naradziŭsia.
Ciapier u maładziona dva varyjanty: zastacca doma abo źvieści tryzubiec z šyi dziela adpraŭki na «śpiecapieracyju».
jo 3-ti - skazać, što heta hierb Zasłaŭja