Abjadnany kamitet načalnikaŭ štaboŭ Paŭdniovaj Karei zajaviŭ, što incydent zdaryŭsia a 3.40 pa miascovym časie. Paŭnočnakarejskaje handlovaje sudna pierasiekła Paŭnočnuju raźmiežavalnuju liniju, jakaja de-fakta źjaŭlajecca marskoj miažoj pamiž krainami.
Z boku paŭdniovakarejskich vajskoŭcaŭ paśledavała papiaredžańnie, a zatym i papieradžalnyja streły, kab adahnać sudna.
Paŭdniovaja Kareja abvinavaciła KNDR u parušeńni dvuchbakovaha vajennaha pakta 2018 hoda, jaki zabaraniaje «varožyja dziejańni» ŭ prymiežnych rajonach, a taksama zaklikała «spynić pravakacyi», jakija «nanosiać škodu miru i stabilnaści na Karejskaj paŭvyśpie».
U svaju čarhu ŭ paŭnočnakarejskaj armii zajavili, što vypuścili 10 artyleryjskich snaradaŭ paśla taho, jak paŭdniovakarejski vajenny karabiel parušyŭ raźmiežavalnuju liniju i zrabiŭ papieradžalnyja streły «pad markaj vysočvańnia nieapaznanaha karabla».
