Pra heta paviedamili homielskamu vydańniu «Fłahštok» dźvie nie źviazanyja pamiž saboj krynicy.
Vital Pančanka byŭ staražyłam siarod kiraŭnikoŭ rajonnych administracyj Homielskaj vobłaści. Paśla niekalkich hadoŭ pracy ŭ sielskahaspadarčych arhanizacyjach, jon uznačaliŭ Rečycki rajvykankam jašče ŭ listapadzie 2012 hoda.
U karjery Vitala Pančanki na pasadzie kiraŭnika majecca vielmi charakterny vypadak. 16 žniŭnia 2020 hoda jon byŭ adnym z rajonnych kiraŭnikoŭ, jaki vyjšaŭ da naroda, jaki pratestavaŭ suprać falsifikacyj na vybarach i źbićcia hramadzian.
Adnak dyjałohu nie atrymałasia. Uchileńnie staršyni rajvykankama ad adkazaŭ na pramyja pytańni aburyła prysutnych. Urešcie Pančanka zajaviŭ, što hatovy pakinuć svaju pasadu: «Ja tut pracuju nie pieršy hod. Kali ja niešta rablu nie tak, ja nikoli za ŭładu nie trymaŭsia i nie trymajusia».
U adkaz na prapanovu napisać zajavu ab adstaŭcy Pančanka adkazaŭ: «Dobra, ja vas pačuŭ, my vyznačymsia».
Adnak jon syšoŭ u adstaŭku tolki praz dva hady. Ale ciapier užo razam z kryminalnaj spravaj. Jak raspavioŭ «Fłahštoku» čałaviek, znajomy ź situacyjaj, eks-staršyni rajvykankama inkryminujuć niastaču śviniej i bujnoj rahataj žyvioły ŭ haspadarkach Rečyckaha rajona.
