«Siamju rasstralali z aŭtamata Kałašnikava», — paviedamlaŭ Śledčy kamitet Biełarusi ŭ svaim telehram-kanale.
Matyvam žudasnaha złačynstva stała toje, što aficer udzielničaŭ u arhanizacyi finansavaj piramidy. Raskryć heta złačynstva i jašče niekalki zabojstvaŭ biełaruskim śledčym atrymałasia tolki ŭ 2020 hodzie. Vierchavodam bandy akazaŭsia hramadzianin Rasii, jaki adbyvaje pakarańnie ŭ adnoj z kałonij Krasnadarskaha kraja, tamu kryminalnaja sprava dla dalejšaha rasśledavańnia była nakiravanaja ŭ Rasiju.
Akramia zabojstva siamji, vierchavodu bandy inkryminavanyja jašče dva zabojstvy, učynienych u Homieli ŭ 1997 i 1998 hadach. Śledstva pa hetaj kryminalnaj spravie było zavieršana śledčym upraŭleńniem SK RF pa Krasnadarskim krai ŭ listapadzie 2021 hoda i nakiravana ŭ Krasnadarski krajavy sud, jaki tolki ŭ žniŭni hetaha hoda pryniaŭ rašeńnie nakiravać jaho pa padsudnaści ŭ rajsud. Jermačenka abvinavačvajecca ŭ zabojstvach, razboi i bandytyźmie.
«Pavodle źviestak śledstva, — paviedamlajecca ŭ pres-relizie SK RF, — abvinavačany na terytoryi horada Homiel Respubliki Biełaruś stvaryŭ arhanizavanuju złačynnuju hrupu (bandu), u jakuju ŭklučyŭ žonku siastry i svajho znajomaha. U śniežni 1997 hoda banda ździejśniła razbojny napad na siamju ŭ Homieli. Zabiŭšy mužčynu, jaho žonku i małaletniaha syna, napadniki vykrali ź ich doma hrašovyja srodki i juvielirnyja vyraby na sumu bolš za 145 miljonaŭ biełaruskich rubloŭ, što skłała zvyš 21 miljonaŭ rasijskich rubloŭ pa kursie taho času. Na miescy złačynstva adzin z saŭdzielnikaŭ pakinuŭ ślady kryvi. Bajučysia być vykrytymi, abvinavačany i muž jaho siastry ŭ parku napali na saŭdzielnika, zabiŭšy jaho.
U lutym 1998 hoda saŭdzielniki pad vyhladam abmienu valuty vyvieźli ŭ biaźludnaje miesca mužčynu, jaki zajmaŭsia abmienam hrašovych srodkaŭ. Vykraŭšy ŭ jaho hrošy (12 tysiač rubloŭ pavodle rasijskaha kursu 1998 hoda), saŭdzielniki zabili trymalnika hrošaj i ŭciakli. Paśla ŭ 1999 hodzie, užo znachodziačysia na terytoryi Rasijskaj Fiederacyi, abvinavačany ździejśniŭ zabojstva muža siastry, za što byŭ asudžany da 8 hadoŭ pazbaŭleńnia voli».
