Pra heta paviedamiŭ jaje muž Andrej Šarenda, paśla taho jak atrymaŭ list ad 13 kastryčnika:
«Užo 12 kastryčnika fašysty adabrali ŭ Paliny na skład asabistyja rečy i ŭsie pradukty i źmiaścili ŭ PKT. Pryčym kinuli jaje tudy nie na 2 miesiacy, jak my dumali spačatku, a na doŭhija paŭhoda. U niečałaviečych umovach Palina prabudzie 6 miesiacaŭ. Jana moža sustreć i Kalady, i Novy hod, i dzień narodzinaŭ, i navat Vialikdzień tam u poŭnaj samocie».
Dniami stała viadoma, što suprać Paliny znoŭ zaviali kryminalnuju spravu za «złosnaje niepadparadkavańnie administracyi kałonii».
U krasaviku Palinu ŭžo asudzili pa č. 2 art. 411 KK. Sud pryznačyŭ joj u dadatak da dvuch hadoŭ źniavoleńnia jašče adzin hod u kałonii. Joj znoŭ pahražaje da dvuch hadoŭ kałonii.
