13 kastryčnika Juryja Kaściuka źbiralisia ekstradavać z Rasii pavodle «pastanovy, jakaja nie nabyła zakonnaj mocy». Pa słovach advakatki, Kaściuk parezaŭ sabie vieny. Paśla akazańnia miedycynskaj dapamohi jaho pabili prystavy i viarnuli ŭ Centr časovaha ŭtrymańnia zamiežnych hramadzian. 13 kastryčnika ranicaj advakatka daviedałasia, što Juryja vyvieźli ŭ nieviadomym kirunku za 2 dni da abskardžańnia rašeńnia suda.
Juryja Kaściuka asudzili za nibyta ździek ź dziaržaŭnych simvałaŭ na hod abmiežavańnia voli, paśla čaho atrymaŭ realny termin źniavoleńnia, u hrodzienskaj turmie jon prabyŭ bolš za miesiac. Vyzvaliŭsia 6 studzienia 2022 hoda.
14 lutaha 2022 hodu Kaściuka zatrymali paŭtorna za ŭdzieł u čacie «Valejboł pa vychodnych», jaki byŭ pryznany ekstremisckim. Jon atrymaŭ administracyjny aryšt. Paśla vyzvaleńnia i zaviadzieńnia kryminalnaj spravy za stvareńnie i ŭdzieł u čacie źjechaŭ u Rasiju. 15 traŭnia jaho zatrymali ŭ Sočy nibyta za parušeńnie mihracyjnaha režymu i źmiaścili ŭ SIZA. Jamu pryznačyli vydvareńnie ŭ Biełaruś.
