Fota: «Darohi Krasnaturjinska» / ukantakcie
«Jon zjechaŭ 28 vieraśnia. Spačatku [jaho advieźli] u 32-i haradok, zatym ich adpravili ŭ Rastoŭ, adtul pieravieźli ŭžo ŭ haračuju kropku. U jaho zastałasia dačka, [joj] 3 hady», — paviedamiła dziaŭčyna.
Pavodle jaje, maci Jaŭhiena pra śmierć syna pračytała ŭ sacyjalnych sietkach, bo infarmacyja pra jaho hibiel raspaŭsiudžvałasia ŭ roznych pablikach. Žančynie pryjšłosia samoj źviarnucca ŭ miascovy vajenkamat i tolki tady joj paćvierdzili paviedamleńnie. Ciapier jana znachodzicca ŭ stanie šoku, jak i siastra Jaŭhiena. Zahinułaha Jaŭhiena Biziajeva jašče nie pryvieźli ŭ Krasnaturjinsk.
Jašče niekalki čałaviek paviedamili Itʼs My City, što razam ź Jaŭhienam źjechali z Krasnaturjinska ich svajaki. Usie jany kala tydnia nie vychodziać na suviaź. Pavodle niepaćvierdžanaj infarmacyi, jašče dva čałavieki sa Śviardłoŭskaj vobłaści byli paranienyja.
