U telehram-kanale Hajdaj napisaŭ: «Ciapier usie siem nasielenych punktaŭ całkam kantralujucca Ukrainaj. Heta:
siało Navalubaŭka Krasnarečanskaj pasiałkovaj hramady Svataŭskaha rajona;
siało Nieŭskaje Krasnarečanskaj pasiałkovaj hramady Svataŭskaha rajona;
siało Hrekaŭka Krasnarečanskaj pasiałkovaj hramady Svataŭskaha rajona;
siało Novajehoraŭka Kałamyjčyskaj sielskaj hramady Svataŭskaha rajona;
siało Nadzieja Kałamyjčyskaj sielskaj hramady Svataŭskaha rajona;
siało Andrejeŭka Kałamyjčyskaj sielskaj hramady Svataŭskaha rajona;
siało Stelmachoŭka Kałamyjčyskaj sielskaj hramady Svataŭskaha rajona».
Hajdaj paviedamiŭ, što pieršaj Uzbrojenyja Siły Ukrainy vyzvalili Hrekaŭku.
«Niahledziačy na rezanans u internet-supolnaści, my nie adrazu paviedamili pra vyhnańnie akupantaŭ z hetaha nasielenaha punkta. U toj čas tam jašče pradaŭžalisia stabilizacyjnyja mierapryjemstvy. Jak i ŭ inšych siołach, u jakija ŭvajšli našy vajennyja», — rastłumačyŭ kiraŭnik abłasnoj administracyi.
Raniej prezident Uładzimir Zialenski paviedamlaŭ, što na hetym tydni USU vyzvalili na ŭschodzie Ukrainy 776 kvadratnych kiłamietraŭ terytoryi i 29 nasielenych punktaŭ, u tym liku šeść na Łuhanščynie.
