Fota: Staronka Źmitra Sałaŭjova ŭ Facebook
Jak vynikaje z apublikavanych Śledčym kamitetam źviestak, Sałaŭjova vinavaciać pa dvuch artykułach Kryminalnaha kodeksa: «pieravozka praź miažu Jeŭrazijskaha ekanamičnaha sajuza bujnoj sumy hrošaj» (častka 4 artykuła 282) dy «padrychtoŭka asob dla ŭdziełu ŭ hrupavych dziejańniach, jakija hruba parušajuć hramadski paradak, finansavańnie i inšaje materyjalnaje zabieśpiačeńnie takoj dziejnaści» (častcy 2 artykułu 342).
«Toje, što jany pišuć, mnie abyjakava, — adznačaje pravaabaronca.
— Heta jak u 1937 hodzie ludziej nazyvali špijonami. Tak było treba, kab kahości pasadzić, a kahości rasstralać».
«Ja liču ciapierašniuju ŭładu ŭ Biełarusi złačynnaj i ŭ jaje niama nijakich paŭnamoctvaŭ adpaviednych, bo zakon byŭ parušany joju jašče ŭ 1996 hodzie, kali byŭ sfalsifikavany refierendum, hvałtam źmienienaja Kanstytucyja, razahnany parłamient», — kaža Źmicier Sałaŭjoŭ.
Pa jaho słovach vystaŭlenyja abvinavačvańni, «chłuślivyja, bo pravaabarončy Centr «Viasna» kantrabandaj nie zajmajecca, jak i finansavańniem pratestaŭ, a dapamahaje ludziam abaraniać svaje pravy».
Abvinavačvańnie ŭ pieravozcy «vialikaj sumy hrošaj» novaje. Što tyčycca druhoha, to pavodle Sałaŭjova, pra jaho jon daviedaŭsia ŭ Śledčym kamitecie 1 sakavika 2021 hoda. Tady jaho dastavili ŭ centralnaje ŭpraŭleńnie viedamstva z aeraporta, adkul jon źbiraŭsia vylatać.
Tady jaho adpuścili pad padpisku ab niavyjeździe. Apynuŭšysia na voli, jon pakinuŭ Biełaruś.
U zamiežžy jon praciahvaje zajmacca pravaabarončaj dziejnaściu i jak vałancior dapamahaje ŭkrainskim biežancam.
Śledčy kamitet dadaŭ Alaksandru Hierasimieniu ŭ śpis tych, kaho buduć sudzić zavočna
