Paśla masavaha adjezdu rasijan, jakija biahuć ad mabilizacyi ŭ susiednija krainy, MUS Kazachstana vystupiła z tłumačeńniem ab tym, ci buduć vydavać rasijskich hramadzian.
Ministr unutranych spraŭ Kazachstana Marat Achmietžanaŭ zajaviŭ, što pamiž Kazachstanam i Rasijaj jość damova ab ekstradycyi, ale hetaje pytańnie nie tyčycca mabilizacyi. «Ja kažu pra kryminalnyja pravaparušeńni, jakija zarehistravanyja, jakija sankcyjanavanyja i abvieščanyja ŭ mižnarodny vyšuk. <…> Vajenkamaty, kali buduć šukać — heta nie źjaŭlajecca pravavoj padstavaj dla vydačy», — zajaviŭ ministr.
Akramia taho, jak paviedamiŭ ministr, kazachstanski bok nie płanuje rabić bolš žorstkimi patrabavańni na miažy.
Z 21 vieraśnia, dnia abjaŭleńnia «častkovaj» mabilizacyi ŭ Rasii, u Kazachstan zajechali kala 98 tysiač rasijan, paviedamlaje MUS respubliki. Ale potym vyjechali 64 tysiačy.