Pa słovach Asiečkina, jamu vyratavaŭ žyćcio žurnalist-daśledčyk prajekta Bellingcat Chrysta Hrozieŭ, jaki pieradaŭ infarmacyju ab padrychtoŭcy zamachu. «Paviedamleńnie ad jaho i ad jaho krynicy dapamahło mnie i tym, chto zajmajecca majoj biaśpiekaj i achovaj, praduchilić majo zabojstva», — skazaŭ Asiečkin.

Jon śćviardžaje, što zamach rychtavaŭ «čałaviek, ciesna źviazany z FSB i arhanizavanaj złačynnaściu», jaki pryjechaŭ u Bijaryc z Rasii. Pa słovach Asiečkina, atrymaŭšy infarmacyju, jon razam ź siamjoj «evakujavaŭsia» na dva dni ŭ hory, a, kali jany viarnulisia, jaho pasprabavali zabić.

«Ja niasu talerki ŭ zału stavić dzieciam, i bakavym zrokam, na adnoj z teras, hladžu, jak čyrvonaja kropka [ruchajecca] praz parenčy terasy i dalej pa ścianie ŭ moj bok.

My prachodzili śpiecyjalnuju padrychtoŭku, my da hetaha rychtavalisia, kab, kali što, my nie marudzili i nie čakali, kali nas rasstralajuć. Viadoma, tut ža ŭ nas i śviatło adklučyłasia, dzieci na padłohu, jany z žonkaj kala hadziny praviali ŭ adnym z najbolš abaronienych pakojaŭ.

Pa słovach Asiečkina, kali na miesca prybyli palicejskija, jany dapytali susiedziaŭ, jakija čuli chłapki. Zasnavalnik Gulagu.net ličyć, što heta byli streły.

«U mianie nie patrapili, streły byli, pryceł išoŭ u moj bok. [Dapamahli vyžyć] pamyłki kilera i vokamhniennaść — [čyrvonuju kropku] ja ŭbačyŭ vypadkova bakavym zrokam».

***

U lutym prajekt Gulagu.net zajaviŭ, što, pavodle źviestak krynic arhanizacyi, vychadcy z Paŭnočnaha Kaŭkaza nibyta pačali šukać vykanaŭcu zabojstva Uładzimira Asiečkina, abiacajučy za heta 100 tysiač jeŭraŭ.

U kastryčniku 2021 Gulagu.net apublikavaŭ niekalki videa sa zhvałtavańniami i katavańniami źniavolenych u roznych rehijonach Rasii. Paśla hetaha SK raspačaŭ niekalki kryminalnych spraŭ, dyrektara FSVP Alaksandra Kałašnikava zvolnili, a Dziaržduma pryniała zakon, jaki robić bolš žorstkim pakarańnie za katavańni.

Клас
Панылы сорам
Ха-ха
Ого
Сумна
Абуральна