Uładzimir Zialenski ŭ Iziumie. Fota jaho pres-słužby
«Jany zrazumieli, što rasijskaje kamandavańnie biazdarnaje, i što ich čakaje va Ukrainie razhrom pa ŭsich napramkach. Nijakim teroram heta Rasija nie vypravić, bo teror tolki paćviardžaje słabaść taho, chto da jaho źviartajecca», — zajaviŭ Zialenski.
Pa jaho słovach, adziny vychad dla rasijskich sałdat — zdacca ŭ pałon ukraincam, pakolki vajnu Rasija ŭ rešcie rešt prajhraje.
«Prajhraje nie tolki hetuju vajnu, a samu historyju. Historyju pišuć ludzi, nieludzi — nikoli. Kim vy zastaniaciesia ŭ historyi? Usie tyja, chto bje hetymi rakietami. Tyja, chto pryjšoŭ na našu ziamlu. Słabakami. Vy — słabaki, jakija vajujuć z cyvilnymi. Padluhi, jakija, źbiehšy z pola boju, sprabujuć naškodzić adniekul tam zdalok», — dadaŭ ukrainski prezident.
